დუბაიში ყველაზე ძვირად ღირებული კაბა შექმნეს

დუბაიში მსოფლიოში ყველაზე ძვირად ღირებული კაბა შექმნეს, რომლის ფასი 17.6 მლნ აშშ დოლარია. სამოსი ბრიტანელმა დიზაინერმა, დები ვინგჰემმა შექმნა. კაბა 2000 ბრილიანტის თვლითაა გაფორმებული, მათ შორისაა იშვიათი და ძვირფასი წითელი ბრილიანტიც.

მუსულმან ქალთა ტრადიციული კაბა, აბრეშუმისგან ან მუქი ფერის თხელი ბამბისგან იკერება და შემდეგ სხვადასხვა ორნამენტებით იქარგება.

"ეს ნამდვილად უნიკალური კაბაა. მხოლოდ წითელი ალმასების ღირებულება, რომლითაც სამოსია გაფორმებული, 8 მლნ დოლარია", - განაცხადა დიზაინერმა.

გავრცელებული ინფორმაციით, მსოფლიოში ყველაზე ძვირადღირებულ კაბას, პოტენციურ მყიდველებს დუბაის ერთ-ერთ სასტუმროში ხუთშაბათს წარუდგენენ.

მომზადებულია segodnya.ua-ს მიხედვით.