Facebook-ზე შეტყობინებები ფასიანი იქნება

დიდ ბრიტანეთში სოციალურ ქსელ Facebook-ის მომხმარებლებისთვის ახალი ფუნქცია გაჩნდება. ახლა ისინი ფასიანი ოფციით - უცნობებისთვის წერილის გაგზავნის შესაძლებლობით ისარგებლებენ, რომელიც 71 პენი ეღირება.

"ფასიანი შეტყობინებების სისტემა სპამის აღმოსაფხვრელად შეიქმნა.  მხედველობაში მივიღეთ ის ფაქტიც, რომ უცნობ ადამიანებთან საუბრის სურვილი გიჩნდებათ. ამჟამად, დიდ ბრიტანეთსა და სხვა ქვეყნებში გადასახადის ოდენობას ვტესტავთ, რომ ოპტიმალური ფასი განვსაზღვროთ",- ნათქვამია Facebook-ის განცხადებაში.

ამასთან, უფასო გზავნილის ფუნქციაც ნარჩუნდება, რომლის შედეგად წერილი ადრესატს საქაღალდე "სხვაში" მისდის.

აღსანიშნავია, რომ მომსახურების გადახდას 18 წლამდე ადამიანები ვერ შეძლებენ.

მომზადებულია Independent-ის მიხედვით.