სტომატოლოგმა პაციენტი უკბილოდ დატოვა

ინდიანაპოლისში, კბილის ექიმთან მისულ მამაკაცს, პროცედურის დასრულების შემდეგ უსიამოვნო ამბავი ელოდა. აუტისტი ახალგაზრდა, რომელსაც 3 კბილის ამოღება სურდა, უკბილო დარჩა. დაზარალებული კრისტოფერ კრისტის ოჯახის განცხადებით, ექიმმა პაციენტს გამაყუჩებელი აბები დაალევინა და თვითნებურად ამოუღო ყველა კბილი. დაზარალებულის ოჯახი დანტისტის წინააღმდეგ საჩივრის შეტანას აპირებს.

მას შემდეგ, რაც 21 წლის კრისტოფერის შესახებ ეთერში რეპორტაჟი გავიდა, ტელევიზიას 12 ადამიანი დაუკავშირდა, რომლებიც აცხადებენ, რომ იმავე ექიმის მსხვერპლნი არიან. არავინ იცის, რატომ გადაწყვიტა სტომატოლოგმა სამის ნაცვლად 32 კბილის ამოღება პაციენტისთვის - კლინიკა, რომელშიც პაციენტები დაზარალდნენ, უკვე დაკეტილია.

იხილეთ ვიდეო