ახალციხეში მოსახლეობა 20 წელი წყლისა და საკანალიზაციო სისტემის გარეშეა

უკვე ოცი წელია ახალციხეში, მიქუტიშვილის ქუჩაზე მცხოვრებ რვა ოჯახს წყალი არ მიეწოდება. თუმცა, მოსახლეობას წყლის ქვითრები მუდმივად მისდის. ადგილობრივები სასმელ წყალს მეზობელი ქუჩებიდან ეზიდებიან. რამდენიმე ოჯახმა კი უწყლობის გამო, საკუთარი ჭაც გააკეთა. "სასმელ წყალს მაღაზიაში ვყიდულობთ ან მეზობლისგან ვეზიდებით, მაგრამ მრიცხველი აქვს დაყენებული და ფულს ვუხდით. ჭები გავაკეთეთ, მაგრამ ჭის წყალს დასალევად ვერ ვიყენებთ", - ამბობენ მიქუტიშვილის ქუჩის მცხოვრებელები.

ქუჩის მოსახლეობა წყლის პრობლემების გარდა, გაუმართავ საკანალიზაციო სისტემაზე, ჩაბნელებულ ქუჩასა და მაწანწალა ძაღლების სიმრავლეზეც საუბრობს. მათი თქმით, ღამით გარეთ გამოსვლის ეშინიათ.

სრული ვერსია

”სამხრეთის კარიბჭე”