ირაკლი ალასანია ლადო ბედუკაძეს შეხვდა

თავდაცვის მინისტრმა ირაკლი ალასანიამ "ფეისბუქის" საკუთარ გვერდზე 26 მაისს რუსთაველის გამზირზე გადაღებული ფოტოები გამოაქვეყნა. ერთ-ერთ ფოტოზე მინისტრი ციხის ყოფილ თანამშრომელსა და პატიმართა წამების სკანდალური კადრების ავტორ ლადო ბედუკაძესთან ერთად არის გამოსახული.

ალასანიამ გუშინ რუსთაველის გამზირზე გაისეირნა და საქართველოს დამოუკიდებლობის დღისადმი მიძღვნილ ღონისძიებებს გაეცნო. მინისტრი რიგით მოქალაქეებს გაესაუბრა და მათთან ერთად ფოტოები გადაიღო.