მუკუზანის ეკლესიის კედელში ჩადუღაბებული ხის ხელის მტევანი აღმოაჩინეს

გურჯაანის რაიონის სოფელ მუკუზანში, ამაღლების სახელობის ეკლესიაში, ხისგან გამოთლილი მუშტადშეკრული ხელის მტევნის გამოსახულება აღმოაჩინეს. ხელის მტევანი 4 მეტრის სიმაღლეზე კედელშია ჩადუღაბებული.

"ეკლესია XVI-XVII საუკუნეების დარბაზული ტიპის ნაგებობაა. ხელის მტევანი ეკლესიის ინტერიერში, სამხრეთი კედელის აღმოსავლეთ ნაწილშია. ასეთი ხელის მტევნის გამოსახულება, ჩემი ინფორმაციით, საქართველოს არცერთ ეკლესიაში არ გვხვდება", - განაცხადა გურჯაანის გამგეობის კულტურის განყოფილების სპეციალისტმა თამაზ მარკოზაშვილმა.

იხილეთ ვრცლად

კახეთის საინფორმაციო ცენტრი