ქალი სუნამოს თერმოსით იპარავდა

რუსეთში, ქალაქ ტულაში პარფიუმერული პროდუქციის საწყობის თანამშრომელი დააკავეს, რომელიც სუნამოებს იპარავდა. დანაშაულის ჩასადენად იგი თერმოსს იყენებდა: ხანდახან ქალი სუნამოს პირდაპირ კონტეინერში ასხამდა, ზოგჯერ კი მასში ბოთლებს ალაგებდა.

თანამშრომელს სამუშაო ადგილიდან სუნამოები ყოველდღე გაჰქონდა. ამასთან, დაცვის წევრებს მასთან კითხვები არ გასჩენიათ, რადგან გასვლისას მას ზედმეტი არაფერი ჰქონდა. გაირკვა, რომ ქალს თერმოსით ყავა შეჰქონდა, სამუშაო დღის განმავლობაში სასმელს სვამდა და მოგვიანებით ცარიელ ჭურჭელს სუნამოთი ავსებდა.

რამდენი ხნის განმავლობაში იპარავდა ქალი სუნამოს, უცნობია. სამართალდამცავი ორგანოების თანამშრომლები პარფიუმერიის საწყობისთვის მიყენებული ზარალის ოდენობას ადგენენ.

მომზადებულია lenta.ru-ს მიხედვით.