მუცო 12 წელია რეაბილიტაციას ელის
პირიქითა ხევსურეთში მდებარე შუა საუკუნეების კულტურული მემკვიდრეობის ძეგლის - მუცოს რეაბილიტაცია 2013 წელსაც არ იგეგმება. მუცოს ნგრევის პროცესი 12 წელია, სწრაფი ტემპით მიმდინარეობს. ძეგლის მდგომარეობა განსაკუთრებით ზამთარში, დიდთოვლობის დროს მძიმდება და კოშკების ნაწილი ინგრევა. ჩამოშლილი ფიქალი კი ამ დრომდე შემორჩენილ კოშკებს აწვება და მათაც აზიანებს. ისტორიული ძეგლის რეაბილიტაციის გეგმა 2004 წლიდან არსებობს, 2008 წელს მისი სრული რეაბილიტაციის პროექტიც გაკეთდა, მაგრამ განხორციელება დღემდე ვერ მოხერხდა.
"ინგრევა და ინგრევა მუცო, ყოველ წელს იშლება კედელი, ქვა. უკვე 12 წელია ვყვირი, რომ ამ ძეგლს უნდა მიეხედოს. კარგია, თუ ვიღაცას კიდევ აინტერესებს მუცოს მდგომარეობა, რომ არ დაინგრეს და არ განადგურდეს საქართველოს ერთ-ერთი ულამაზესი ძეგლი. მუცო მართლაც ერთადერთია ისტორიულადაც, ტურისტულადაც და სტრატეგიულადაც, პირდაპირ რუსეთის საზღვარზეა. ამ ძეგლის გადარჩენა ისევ საქართველოსთვის არის კარგი", - აცხადებს დუშეთის მუნიციპალიტეტის საკრებულოში შატილის თემის მაჟორიტარი დეპუტატი გელა დაიაური.
მცხეთა-მთიანეთის საინფორმაციო ცენტრი
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
