თემურ შაშიაშვილი: "ვიცი, რომ დიმიტრი კოპალიანს არ გაახარებენ"
ქუთაისში, ბოლო დროს განვითარებულ მოვლენებს ქუთაისის ყოფილი მერი და იმერეთის ყოფილი გუბერნატორი, ამჟამად პარტია "თეთრების" ლიდერი თეიმურაზ შაშიაშვილი აფასებს. აღსანიშნავია, რომ მან გუბერნატორობის დროს დიმიტრი კოპალიანს ვიცე-გუბერნატორობაც კი შესთავაზა, თუმცა ამბობს, რომ ახლა მერად წამოსვლას გოჩა თევდორაძის და ამ გუნდის პირობებში არ ურჩევდა.
"იქ, სადაც გოჩა თევდორაძე იქნება ქალაქის მმართველი, თავისთავად ცხადია, რომ ის ქალაქი უკვე შეურაცხყოფილია. დიმიტრი კოპალინმა დიდი განათლება მიიღო ნიუ-პორტში და დეტროიტში უდიდეს წარმატებას მიაღწია. ჩამოვიდა პიროვნება, რომელსაც აქვს თანამედროვე ბიზნესის და თანამედროვე დემოკრატიის გამოცდილება, მაგრამ დღეს ყველაფერი ე.წ. "მეჯღანუაშვილების" და მედროვეების ხელშია. ამიტომ ვიცი, რომ ისინი ისეთ პიროვნებას, როგორიც დიმიტრი კოპალიანია, არ გაახარებენ. მას გვერდით ქუთაისი უნდა დაუდგეს" - აცხადებს შაშიაშვილი.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
