Odditycentral-ი ქართველ რეკორდსმენს სტატიას უძღვნის

პოპულარული ვებსაიტი Odditycentral-ი ქართველ მამაკაცზე, რომელიც ცხვირით სათბურებს ბერავს, სტატიას აქვეყნებს.

საიტის დღის მთავარი თემა ჯემალ ტყეშელაშვილია, რომელიც ცხვირით სათბურებს, ე.წ. ”გრელკებს” ბერავს და ხეთქავს. როგორც სტატიაშია აღნიშნული, ჯემალი ზეადამიანია, რომელსაც ძალიან უნიკალური ნიჭი აქვს.

"ჯემალ ტყეშელაშვილმა 1 წუთში ცხვირით სათბურები გაბერა და გინესის მსოფლიო რეკორდების წიგნში შევიდა. ჯემალი იმდენად ძლიერია, რომ სათბურებს მანამ ბერავს, სანამ არ გასკდება", - წერს საიტი.

მომზადებულია odditycentral.com-ის მიხედვით.