ავტომობილი-აუზი

ზაფხულის სიცხეს მძღოლები ორი ხერხით ებრძვიან, ან სალონში დამონტაჟებული კონდიციონერით გრილდებიან, ან მანქანის ფანჯრები ღია აქვთ, თუმცა გერმანელმა ახალგაზრდამ ორიგინალურ ხერხს მიმართა.

27 წლის მამაკაცმა, რომელიც გერმანიის ქალაქ აიბენშტოკში ცხოვრობს, საკუთარი BMW-ს სალონი აუზად აქცია - სავარძლები მოხსნა და სალონი წყლით ააავსო. ქუჩაში ბორბლებზე მოსიარულე აუზმა, სადაც საცურაო კოსტუმში გამოწყობილი მძღოლი და მისი მეგობრები სხედან, ყოვლისმნახველი გერმანელებიც კი გააოცა.

თუმცა, შთამბეჭდავი იდეით დიდად არ აღფრთოვანდა ადგილობრივი პოლიცია. პოლიციელი გაოცდა, როდესაც ქუჩაში წყლით სავსე BMW და გასარუჯად მომზადებული მგზავრები დაინახა. პოლიციამ მძღოლი დააპატიმრა, რადგანაც ის ავტომობილს არაფხიზელ მდგომარეობაში მართავდა. ამასთან, მანქანას ლიცენზია არ ჰქონდა.

მომზადებულია odditycentral.com-ის მიხედვით.