სალომე ქათამაძე - "ჩვენ ის ერთი ქულა შემთხვევით წავაგეთ"

მომღერალი სალომე ქათამაძე "ფეისბუქის" საკუთარ გვერდზე "იურმალის" საერთაშორისო კონკურსში მეორე ადგილზე გასვლასთან დაკავშირებით კომენტარს აკეთებს.

"მიყვარხართ ყველა, მთელი საქართველო და არა უშავს, ჩვენ ის ერთი ქულა შემთხვევით წავაგეთ, მაგრამ არა უშავს, ჩვენი სიყვარული ძლიერია და ხანგრძლივი", - წერს ქათამაძე.

იურმალაში, კონკურსზე "ახალი ტალღა 2013" ქართველმა კონკურსანტმა სალომე ქათამაძემ მეორე ადგილი დაიკავა. კონკურსის გამარჯვებულმა კუბელმა რობერტო კელ ტორესმა მას მხოლოდ ერთი ქულით აჯობა. მესამე ადგილზე კი ვიეტნამის წარმომადგენელი ვინ ჰუატი გავიდა.