ყველაზე მიმზიდველ კაცებად ბრიტანელები, ბრაზილიელები და იტალიელები დაასახელეს

ყოველ წელს ტარდება გამოკითხვა, რომელშიც სუსტი სქესი ყველაზე სექსუალურ და მიმზიდველ კაცებს ასახელებს. ამჯერად, ყველაზე მიმზიდველი კაცები ბრიტანელები, ბრაზილიელები და იტალიელები აღმოჩნდნენ.

ვებსაიტ-მა MissTravel-მა 30 741 ქალი გამოკითხა. ბრიტანელი კაცები რომ ჯენტლმენები არიან, ეს ცნობილი ფაქტია. ქალებს ისიც ხიბლავთ, რომ ბრიტანელი კაცები აქტიურად მისდევენ სპორტს. გამოკითხული ქალების ნაწილი კი უპირატესობას ტემპერამენტიან ბრაზილიელებს ანიჭებს. ტოპ-ხუთეულში მოხვდნენ იტალიელებიც, რომლებიც სექსუალური კაცების რეიტინგს ყოველ წელს ლიდერობენ. ქალებს იტალიელი კაცები მხოლოდ გარეგნობის გამო არ მოსწონთ. როგორც გამოკითხული მანდილოსნები ამბობენ, იტალიელი კაცები ქალს უყურადღებოდ არ ტოვებენ და გოგონასთან დაახლოებას ყველა ხერხით ცდილობენ.

შეგახსენებთ, ამავე ვებსაიტის გამოკითხვით, რომელშიც 13 259 მამაკაცი მონაწილეობდა, ყველაზე სექსუალურ ქალებად კოლუმბიელები დაასახელეს.

მომზადებულია MissTravel-ის მიხედვით.