თვითმკვლელი ქმარი ცოლმა ჰაერში საცვლებით დაიჭირა

ჩინეთის ერთ-ერთი პროვინციის მკვიდრმა ლინგ სუმ მეუღლე, რომელიც თვითმკვლელობის მიზნით ფანჯრიდან გადახტა, საცვლებით დაიჭირა და სიკვდილს გადაარჩინა.

45 წლის ვან ლიმ ცოტა ხნის წინ სამსახური დაკარგა. უმუშევარი ქმრის სტატუსმა მასზე იმდენად იმოქმედა, რომ ღრმა დეპრესია განუვითარდა. ლის ცოლს მეუღლის ტანჯვა შეუმჩნეველი არ დარჩენია და მის ქცევას გამუდმებით აკვირდებოდა. სწორედ ამის წყალობით გადარჩა ჩინელი.

ერთ დღეს ვან ლი ფანჯრებიან აივანზე გავიდა და გადახტომა სცადა. თუმცა შორიახლოს მდგომმა მეუღლემ მისი დაჭერა მოასწრო.

"ყვირილი შემოგვესმა, როდესაც ფანჯრიდან გავიხედეთ დავინახეთ, რომ ფანჯრიდან მამაკაცი იყო გადმოკიდებული და ის ქალს ფეხით ეჭირა. ბინის ნომერი შევიტყვეთ, რის შემდეგაც წყვილის დახმარება ვცადეთ, თუმცა სახლის კარი ჩაკეტილი აღმოჩნდა", - იხსენებს ერთ-ერთი თვითმხილველი.

კარის გაღება ვერც მეზობლებმა შეძლეს და სამაშველო სამსახურის თანამშრომლები გამოიძახეს. მაშველების მოსვლამდე ლიგ სუმ ქმრის შეკავება შეძლო.

სახანძროს წამომადგნელები და პოლიცია შემთხვევის ადგილზე 20 წუთში მივიდნენ. თვითმკვლელის გადარჩენის ოპერაციამ წარმატებით ჩაიარა.

მომზადებულია topnews.ru-ს მიხედვით.