ნიკა გვარამია მედვედევის ინტერვიუს ეხმაურება

ტელეკომპანია "რუსთავი 2"-ის გენერალური დირექტორი ნიკა გვარამია ნინო შუბლაძის გადაცემა "პოზიციაში" დიმიტრი მედვედევის ინტერვიუს "ფეისბუქის" საკუთარ გვერდზე ეხმაურება.

"ხალხი, რომელიც ფიქრობს, რომ შუბლაძეს მედვედევი უნდა ეცემა, არც კითხვები მოუსმენიათ, არც პასუხები - გული ვერ მოიფხანეს და იწყევლებიან.

და ესენი იჩემებენ ყველაზე მეტად ნატო ჩვენ გვინდაო. შინაარსში ვერ შესულან და მარტივ ინსტინქტებს მიყვებიან. არა, ბატონებო, ნატო პავლოვის ძაღლებისთვის არაა", - წერს გვარამია.

სამაუწყებლო კომპანია "რუსთავი 2"-ის ეთერში, 6 ივნისს, რუსეთ-საქართველოს ომის 5 წლისთავზე, ნინო შუბლაძის საავტორო გადაცემაში რუსეთის პრემიერ-მინისტრ დიმიტრი მედვედევის ინტერვიუ გავიდა.