ოპრა უინფრი შვეიცარიაში რასიზმის მსხვერპლი გახდა

ცნობილმა ამერიკელმა ტელეწამყვანმა და მულტიმილიონერმა ოპრა უინფრიმ განაცხადა, რომ შვეიცარიაში ვიზიტის დროს რასიზმის მსხვერპლი გახდა. ტელეწამყვანი შვეიცარიაში მომღერალ ტინა ტერნერის ქორწილზე დასასწრებად ჩაფრინდა.

მისი თქმით, ციურიხში პრესტიჟული მაღაზიის გამყიდველმა, სადაც იგი ჩანთას არჩევდა, მის მომსახურებაზე უარი განაცხადა. მაღაზიის თანამშრომელმა ივარაუდა, რომ ჩანთის ღირებულებას  "უინფრი ვერ შეწვდებოდა".

მაღაზიაში მომხდარის შესახებ უინფრიმ ერთ-ერთი ამერიკული ტელეარხის ეთერში ისაუბრა. მისი თქმით, იგი მაღაზიიდან მშვიდად გამოვიდა, მაგრამ მომხდარს იმის მაგალითად თვლის, რომ რასიზმი მსოფლიოში არ აღმოფხვრილა.

მომზადებულია BBC-ის მიხედვით.