ჰოლანდიელმა ფერმერმა საკუთარი ღორებისთვის "ტალახის პარკი" გახსნა

ჰოლანდიელმა ფერმერმა ერიკ სტეხნიკმა საკუთარი ფერმის ტერიტორიაზე პლასტმასის სასრიალო დაამონტაჟა, რომელიც აკვაპარკში შეიძინა. სასრიალო ღორებისთვისაა განკუთვნილი, რომლებმაც იგი საკმაოდ სწრაფად აითვისეს.

რამდენიმე გამოცემამ სასრიალოზე მოსრიალე ცხოველების ფოტოები გამოაქვეყნა, რომლებიც არა წყლით სავსე აუზში, არამედ ტალახში ეშვებიან, სადაც ღორებს დროის გატარება ძალიან უყვართ.

სტეხნიკის თქმით, მან სასრიალო აკვაპარკში სტუმრობის შემდეგ იყიდა. ადამიანებზე დაკვირვებით შთაგონებულმა ფერმერმა იფიქრა, რომ სასრიალოზე სრიალი მის ცხოველებსაც ძალიან მოეწონებოდათ.

ზოგიერთი სპეციალისტი მიიჩნევს, რომ რაც უფრო კარგ პირობებში იმყოფება პირუტყვი, მით უფრო კარგ პროდუქციას იძლევა.

მომზადებულია Metro-ს მიხედვით.