რუსეთში "მართლმადიდებლურ ეკონომიკაზე" ალაპარაკდნენ

რუსეთის მართლმადიდებლური ეკლესიის სინოდის საინფორმაციო განყოფილების ხელმძღვანელი, ვსევოლოდ ჩაპლინი მიიჩნევს, რომ ეკონომიკა მართლმადიდებლობას უნდა ეფუძნებოდეს. ჩაპლინის აზრით, უნდა მოხდეს "მზარდი ეკონომიკიდან ხელმომჭირნე ეკონომიკაზე გადასვლა".

"სწორედ საკმარისობა და მიწიერი სიკეთის გამოყენების თვითშეზღუდვა, ყოველთვის იყო დამახასიათებელი მართლმადიდებლური ცივილიზაციისთვის", - წერს ჩაპლინი.

ჩაპლინი მიიჩნევს, რომ აუცილებელია მსგავსი სისტემა ეკონომიკური მეცნიერების კატეგორიაში განიხილონ, რათა შემდგომ მოხდეს მისი გამოყენება.

ასევე, ჩაპლინი არ ეთანხმება მოსაზრებას, რომ მართლმადიდებლურ ქვეყნებში მეტნაკლებად რთული ეკონომიკური მდგომარეობაა.

მომზადებულია segodnya.ua-ს მიხედვით.