გერმანიაში სეტყვამ Volkswagen-ის 17 000 ახალი ავტომობილი დააზიანა

გერმანიის ქალაქ ვოლფსბურგში მოსულმა სეტყვამ Volkswagen-ის მარკის 17 000-მდე ახალი ავტომობილი დააზიანა.

როგორც gazeta.ru წერს, სეტყვა ქალაქში ჯერ კიდევ ივლისში მოვიდა, თუმცა კომპანიას ახლა უწევს შედეგების გამოსწორება. შესაბამისად, სექტემბრის თვეში კლიენტებისთვის ავტომობილების მიწოდება შეფერხდება.

კომპანიაში განმარტავენ, რომ ყველა ავტომანქანა დეტალურად შემოწმდება და შეკეთდება. სერიოზული დაზიანების შემთხვევაში, Volkswagen-ი მყიდველს ავტომობილს გამოუცვლის.

მომზადებულია gazeta.ru-ს მიხედვით.