დავით ზურაბიშვილი - ბიძინა ამბობს: მე რომ წავალ, ყველაფერი კარგად იქნებაო და, ეგება და, თვალი არ ეცეს, თვალი!..

განათლების მინისტრის ყოფილ მოადგილე დავით ზურაბიშვილი "ფეისბუქში" წერს, რომ საქართველოს ყველა ლიდერის პროგნოზი თანამდებობის დატოვების შემდეგ ახდა და იმედი აქვს, ბიძინა ივანიშვილის დანაპირებს თვალი არ ეცემა.

"ზვიადი ამბობდა: მე თუ წავედი, ბანდიტები და ყაჩაღები მოვლენო.

გვარდიელები და მხედრიონელები ამბობდნენ: ჩვენ რომ წავიდეთ, მოვა შევარდნაძე და ესენგეში შეგვიყვანსო.

შევარდნაძე ამბობდა: მე კი წავალ სახლში, მაგრამ მიშა ისეთ დღეში ჩაგაგდებთ, მოგენატრებათ მამათიო.

მიშა ამბობდა: მე თუ წავედი, რაც ამ ქვეყანაში ნაგავია, ყველა ისევ ამოტივტივდებაო.

ჰოდა, აქამდე ხომ ყველამ გაარტყა და ახლა კი ბიძინა ამბობს: მე რომ წავალ, ყველაფერი კარგად იქნებაო და, ეგება და, თვალი არ ეცეს, თვალი!..",-წერს ზურაბიშვილი.