ფინანსური მდგომარეობა ადამიანის IQ-ზე გავლენას ახდენს

მეცნიერები ირწმუნებიან, რომ ფინანსური პრობლემები, გადასახადებზე და კრედიტებზე გამუდმებული ფიქრი ადამიანის IQ-ს დონეზე ცუდად მოქმედებს. მეცნიერებმა გამოთვალეს, რომ მსგავსი პრობლემების მქონე ადამიანების ინტელექტის კოეფიციენტი 13 პუნქტით დაბლა ეცემა, - ამის შესახებ  Business Week წერს.

ექსპერტებმა კვლევა  ინდოელ ფერმერებს შორის ჩაატარეს. როგორც წესი, ისინი წელიწადში ერთხელ იღებენ შემოსავალს. მოსავლის აღებამდე მათ ბანკიდან გამოაქვთ კრედიტები, მას შემდეგ კი, რაც ფერმერები მოსავალს გაყიდიან, ისინი ფულს ერთიანად შოულობენ. მეცნიერებმა 464 ფერმერის IQ შეაფასეს მოსავლის აღებამდე და აღების შემდეგ. აღმოჩნდა, რომ მოსავლის აღების შემდეგ,  როდესაც ადამიანებს ფინანსური პრობლემები არ ჰქონდათ, მათი IQ-ს დონე 25%-ით გაიზარდა.

მეცნიერები IQ-სა და ფინანსურ პრობლემებს შორის ურთიერთკავშირს იმით ხსნიან, რომ ფინანსური სტრესი ადამიანის ყურადღებას მთლიანად იპყრობს და შედეგად, მას უჭირს სხვა ამოცანების შესრულება.

მომზადებულია Business Week-ის მიხედვით.