ბუკინგემის სასახლეში ქურდი შეიპარა

ლონდონში, ბუკინგემის სასახლეში ქურდი შეიპარა. პოლიციამ დამნაშავე სამეფო ოჯახის საცერემონიო დარბაზში დააკავა. ინციდენტის დროს სასახლეში სამეფო ოჯახის არცერთი წევრი არ იმყოფებოდა.

სასახლის დაცვა სამართალდამცავებთან ერთად ინციდენტს იძიებს. პოლიციამ დამნაშავე ძარცვის მიზნით შენობაში შეჭრისთვის დააკავა. მასთან ერთად კიდევ ერთი ადამიანია დაკავებული, რომელიც დამნაშავეს სასახლის უკან ელოდებოდა.

ოფიციალური ინფორმაციით, პოლიცია და დაცვის წევრები ოთახში მაშინ შევიდნენ, როდესაც შენობაში დამონტაჟებული სენსორები, რომელიც გადაადგილებას აფიქსირებს, გაითიშა.

სამეფო ოჯახს ინციდენტთან დაკავშირებით, ჯერჯერობით, ოფიციალური კომენტარი არ გაუკეთებია.

მომზადებულია dailymail.co.uk-ის მიხედვით.