მანჰეტენზე ქაღალდის ხელსახოცებზე დახატული ნახატების გამოფენა გაიხსნა

მანჰეტენზე ჯორჯ ბილისის გალერეაში უჩვეულო გამოფენა გაიხსნა: მასზე წარმოდგენილი ყველა ნახატი ქაღალდის პირსახოცზეა დახატული.

71 წლის კენ დელმარი მთელი ცხოვრება ხატავდა, მაგრამ უჩვეულო ფაქტურაზე ხატვით მხოლოდ ახლახან დაინტერესდა: მან შეამჩნია, რომ ქაღალდის პირსახოცებზე, რომლებზეც ხელებს იხოცავდა, საღებავები უფრო მკვეთრად ჩანდა და მალე შრებოდა.

მიუხედავად იმისა, რომ ქაღალდის პირსახოცები ძალიან თხელია, დელმარი დარწმუნებულია, რომ მისი ტილოები დიდხანს გაძლებს.

გამოფენაზე ცნობილი ადამიანების პორტრეტებია წარმოდგენილი, ფასები 1500-დან 10 000 დოლარამდე მერყეობს. დელმარის ნახატები გალერეაში სექტემბრის შუა რიცხვებამდე დარჩება.

მომზადებულია Reuters-ის მიხედვით.