პრინცმა ჰარიმ ერთი დღე-ღამე მაცივარში გაატარა

დიდი ბრიტანეთის პრინცმა ჰარიმ ჩრდილოეთ პოლუსზე ექსპედიციისთვის მზადებისას ერთი დღე-ღამე მაცივარში გაატარა.

29 წლის პრინცმა 20 საათზე მეტი - 35 გრადუს ტემპერატურასა და "ხელოვნურ" ქარში დაჰყო, რომლის სიჩქარე 72 კმ/სთ-ს შეადგენდა. ეს პირობები მაქსიმალურად მიახლოებული იყო იმასთან, რაც ჰარის ჩრდილოეთ პოლუსზე ელოდება. ცივ კამერაში ბრიტანეთის ტახტის მემკვიდრემ ტანსაცმელი გამოსცადა, რომლითაც ჩრდილოეთ პოლუსი უნდა დალაშქროს.

ექსპედიცია Walking With The Wounded ნოემბერში დაიწყება.

ადრე პრინცი ჰარი იძულებული იყო ჩრდილოეთ პოლუსზე ანალოგიურ ექსპედიციაზე უარი ეთქვა, რადგან იგი მისი ძმის, უილიამის ქორწილის თარიღს ემთხვეოდა.

მომზადებულია Guardian-ის მიხედვით.