ესპანეთის შსს-მ უფლისწულ გიორგი ბაგრატიონს საპატიო ინსპექტორის წოდება მიანიჭა

რამდენიმე წუთის წინ "ფეისბუქში" უფლისწულ გიორგი ბაგრატიონის ფოტო გავრცელდა. ფოტოს თან ერთვის წარწერა, რომლის მიხედვითაც ვიგებთ, რომ გიორგი ბაგრატიონს ესპანეთის შსს-მ საპატიო ინსპექტორის წოდება მიანიჭა.

"დღეს, უფლისწული გიორგი დავითისა და ანას ძე ბაგრატიონ-ბაგრატიონს ესპანეთის სამეფოს შინაგან საქმეთა სამინისტროს ეროვნულმა პოლიციამ საპატიო ინსპექტორის წოდება მიანიჭა. ამით ესპანეთის სამეფომ, კიდევ ერთხელ დაადასტურა თავისი დიდი პატივისცემა ბაგრატიონთა დინასტიის მიმართ " - ნათქვამია უფლისწული გიორგის მეგობართა კლუბის "ფეისბუქის" გვერდზე.