სოცქსელების მომხმარებლების ახალი გატაცება - კიბეზე დაგორების ამსახველი ფოტოები

თუკი ცოტა ხნის წინ სოციალური ქსელების მომხმარებლებში ყველაზე პოპულარული სარკეში გადაღებული ფოტოების "დაპოსტვა" იყო, ახლა მათ ახალი გატაცება აქვთ. "ტვიტერის" მომხმარებლების გვერდები წალეკა კიბეზე დაგორების დროს გადაღებულმა ფოტოებმა.

საიტი Deathandtaxesmag.com  აქვეყნებს ფოტოებს Twitter-ის მომხმარებლების გვერდებიდან, სადაც ისინი კიბეებზე დაგორების დროს ან მას შემდეგ არიან გადაღებულნი. ოსტატობის უმაღლესი დონეა კიბეზე ფეხის დაცდენის  დროს გადაღებული ე.წ. სელფშოტი. ფოტოებს თან ახლავს წარწერები, რომელიც შეიძლება ითქვას, რომ სიამაყით გვატყობინებს მოვლენის დეტალებს.

"მადლობა დანის, რომ დაპოსტა ჩემი ფოტო, რომელიც კიბეზე დაცემის შემდეგაა გადაღებული", - წერს Twitter-ის ერთ-ერთი მომხმარებელი.

მომზადებულია Deathandtaxesmag.com-ის მიხედვით.