მასაჟი იმუნიტეტს ამაღლებს

მასაჟის პროცედურები მნიშვნელოვნად ამაღლებს იმუნიტეტს, რის წყალობითაც ორგანიზმის უნარი, გაუმკლავდეს ონკოლოგიურ დაავადებებს, უმჯობესდება. ამ დასკვნამდე მივიდნენ ამერიკული Cedars-Sinai-ს სამედიცინო ცენტრის მეცნიერები.

მათი აზრით, უფრო მეტი ეფექტი შვედურ მასაჟს აქვს. ექსპერიმენტში მონაწილე ადამიანები ორ ჯგუფად გაყვეს, მათი ერთი ნაწილი ჩვეულებრივ, 40 წუთიანი მასაჟის პროცედურას იტარებდა, ჯგუფის მეორე ნახევარი კი შვედურ მასაჟს იკეთებდა.

პროცედურების შემდეგ ექსპერიმენტში მონაწილეებს სისხლის ანალიზი აუღეს. აღმოჩნდა, რომ მათ ვინც შვედურ მასაჟს იკეთებდა, სისხლში ლიმფოციტების ხარისხი გაუმჯობესებული ჰქონდათ. ლიმფოციტები იმუნურ თავდაცვაში მონაწილეობენ. გარდა ამისა, მათ ორგანიზმში სტრესის ჰორმონის კონცენტრაცია დაბალი იყო.

მომზადებულია www.segodnya.ua-ს მიხედვით.