სიცილი ბავშვებში შემოქმედებით აზროვნებას ავითარებს

ამერიკელმა მეცნიერებმა დაამტკიცეს, რომ სიცილის დროს ბავშვს თავის ტვინის ის არეალი უაქტიურდება, რომელიც შემოქმედებითი უნარებისა და კრეატიული აზროვნების განვითარებასთანაა დაკავშირებული.

მეცნიერების გამოთვლით, ბავშვები დღეში დაახლოებით 300-ჯერ იღიმიან და იცინიან, მაშინ როცა მოზრდილები ამას დღეში 15-20-ჯერ აკეთებენ. ამასთან, მრავალრიცხოვანი კვლევები ცხადყოფს, რომ დადებითი ემოციები ადამიანის ჯანმრთელობისთვის სასარგებლოა და იმუნიტეტს აძლიერებს. ბავშვებს კი სიცილი ცხოვრების ყველაზე ადრეულ ეტაპზე ჰარმონიული განვითარებისთვის სჭირდებათ. 

აღნიშნული პროცესი ბავშვის ტვინის ორივე ნახევარსფეროში ხდება, მოზრდილებისგან განსხვავებით. მათ შემთხვევაში, აქტიურობა მხოლოდ მარცხენა ნახევარსფეროში მატულობს.

ნაშრომის ავტორები დარწმუნებულნი არიან, რომ ბავშვის სრულფასოვანი განვითარებისთვის დადებითი ემოციები აუცილებელია. სწორედ ამაზეა დამოკიდებული ბავშვის განვითარების ჰარმონიულობა.

ამიტომ სპეციალისტები მშობლებს ურჩევენ, ბავშვები საბავშვო ღონისძიებებზე ხშირად ატარონ და მათთან ერთად მხიარული ფილმები ნახონ.

მომზადებულია Globalscience.ru-ს მიხედვით.