შორენა ბეგაშვილი საქველმოქმედო მიზნით, საკუთარ ტანსაცმელს ჰყიდის

მსახიობი და ტელეწამყვანი შორენა ბეგაშვილი საქველმოქმედო მიზნით, საკუთარ და შვილის ტანისამოსს ჰყიდის.

”მინდა მცირე დახმარება გავუწიო თბილისის ხანდაზმულთა პანსიონატს, თემქაზე. აქ წარმოდგენილია ჩემი და ჩემი შვილის საყვარელი ნივთების ნაწილი, რომელთა გაყიდვიდან შემოსული თანხა მთლიანად გადაირიცხება აღნიშნულ მოხუცთა სახლში. გთხოვთ, დამიჭიროთ მხარი, შეიძინეთ ნივთები და ამით ერთად დავეხმაროთ მათ. ეს აქცია გაგრძელდება ერთი კვირა. ანგარიშსწორება მოხდება ხელზე კურიერთან, ხოლო მსხვილი თანხის შემთხვევეაში, გადმოგიგზავნით საბანკო რეკვიზიტებს. მადლობა წინასწარ”, - წერს მსახიობი ”ფეისბუქის” საკუთარ გვერდზე და გასაყიდი ნივთების ალბომს აქვეყნებს.