შვეიცარიაში ფულს ქუჩაში ფანტავენ

შვეიცარიაში მალე "ძირითადი შემოსავლის უფლებაზე" რეფერენდუმი ჩატარდება, რომლის მიხედვით, ყოველი სრულწლოვანი მოქალაქე ყოველთვიურად 2500 შვეიცარულ ფრანკს - დაახლოებით 2800 დოლარს მიიღებს.

რეფერენდუმის ინიციატორებმა საკითხის საჯაროდ განსახილველად დაახლოებით 126 000 ხელმოწერა შეაგროვეს.

ამ მოვლენის აღსაღნიშნავად, ბერნში, პარლამენტის შენობასთან სატვირთო მანქანით რვა მილიონი 5 სანტიმიანი მონეტა მიიტანეს (სიმბოლურად, ქვეყნის მოსახლეობის რაოდენობის მიხედვით). მონეტები ადგილობრივების გასახარად მოედანზე მიმოფანტეს.

ზეიმის დასასრულს მონეტების ნაწილი შეაგროვეს, ნაწილი, კი რა თქმა უნდა, მოქალაქეების ჯიბეებში მოხვდა.

თუ რეფერენდუმზე საკითხი დადებითად გადაწყდა, საკითხავია, გააგრძელებენ თუ არა შვეიცარიელები მუშაობას.

მომზადებულია yes.com-ის მიხედვით.