აანთებს თუ არა თინა კანდელაკი ოლიმპიურ ჩირაღდანს?

რამდენიმე წუთის წინ თინა კანდელაკმა "ფეისბუქის" გვერდზე ფოტო გამოაქვეყნა. ფოტოზე გაკეთებული წარწერით შეგვიძლია ვივარაუდოთ, რომ მომდევნო ქართველი, ვინც ოლიმპიურ ჩირაღდანს აანთებს, თინა კანდელაკი იქნება.

"ჩემს მწვრთნელ მიშას სურს, რომ ღირსეულად მოვემზადო ოლიმპიური ჩირაღდნით გარბენისთვის", - წერს კანდელაკი თავის გვერდზე.

ფოტოზე სოციალური ქსელის მომხმარებლებმა კომენტარები დატოვეს. ერთ-ერთი მათგანი წერს: "მაპატიეთ, მაგრამ მისი  გამოხედვით თუ ვიმსჯელებთ,  მას (იგულისხმება მწვრთნელი) მხოლოდ ეს არ სურს".

შეგახსენებთ, ოლიმპიური ჩირაღდანი უკვე აანთეს რუსეთში მოღვაწე ორმა ქართველმა - დიანა ღურწკაიამ და სოსო პავლიაშვილმა.