ქუთაისში "ლიაიას ბორდელი" კულტურულ ძეგლად აღიარეს

ქუთაისში, კოსტავას ქუჩაზე მდებარე სასტუმრო, რომელსაც "ლიაიას ბორდელად" იცნობენ, მემკვიდრეობის ძეგლთა ნუსხაშია შეყვანილი.

სასტუმროს მიმდებარე ტერიტორიაზე მცხოვრებლები, რომლებიც "ლიაიას ბორდელის" დახურვას ითხოვდნენ, მისი კულტურული მემკვიდრეობის ნუსხაში შეყვანას ეწინააღმდეგებიან. სასტუმრო "ლიაში" კი მეზობლების პროტესტს არ იზიარებენ და აცხადებენ, რომ ტყულია ბრალდებები, თითქოს სასტუმროში ბორდელი ფუნქციონირებს.

შეგახსენებთ, რომ ქუთაისში კულტურული მემკვიდრეობის ძეგთა ნუსხაში სულ 217 შენობაა შესული. მათ მესაკუთრეებს, ქუთაისის მერიის კულტურის სამსახურმა წერილობითი გაფრთხილება დაურიგა, რომლის მიხედვითაც მემკვიდრეობის ძეგლთა ნუსხაში შესულ შენობაზე რაიმე სახის რეკონსტრუქციის (მიშენება, დემოტაჟი და სხვა) განხორციელება არ შეიძლება.

იხილეთ ვრცლად

”ახალი გაზეთი”