ვაშლოვანის ნაკრძალს 10 ”აზერბაიჯანული” ჯეირანი გადაეცემა

დედოფლისწყაროში, ვაშლოვანის ნაკრძალში სულ მალე 10 ჯეირანს შემოიყვანენ. როგორც დაცული ტერიტორიების სააგენტოს ხელმძღვანელი რატი ჯაფარიძე აღნიშნავს, ნაკრძალს ჯეირნებს აზერბაიჯანული მხარე გადასცემს და დედოფლისწყაროში, სავარაუდოდ, ნოემბრის დასაწყისში შემოვა.

"ბაქოდან ახლახან დავბრუნდი. 10 ჯეირანი ელოდება ტრანსპორტირებას. ისინი 2 კვირას გაატარებენ დაცული ტერიტორიის შემოფარგლულ ზონაში, შემდეგ კი თავისუფლად გავუშვებთ. როგორც ჩვენმა აზერბაიჯანელმა მეგობრებმა გვითხრეს, აბა თქვენ იცით, დაიცავით აზერბაიჯანელი ჯეირნები ქართველი მგლებისგანო. უკიდურესად მნიშვნელოვანია ამ 10 ერთეულის მაქსიმალური დაცვა და მათი გამრავლებისთვის ხელის შეწყობა", - განაცხადა რატი ჯაფარიძემ.

პროექტს ფინანსურად გერმანიის თანამშრომლობისა და ეკონომიკური განვითარების სამინისტრო უჭერს მხარს.

იხილეთ ვრცლად

qiziyi.ge