ინდოეთში 13 წლის გოგონა გააუპატიურეს და შემდეგ ცოცხლად დაწვეს

ინდოეთში, უტარ-პრადეშის შტატში 13 წლის გოგონა ჯგუფურად გააუპატიურეს და შემდეგ ცოცხლად დაწვეს.

გოგონა გუშინ ღამე ფერმიდან სახლში დასთან ერთად ბრუნდებოდა, როდესაც 3 მამაკაცი თავს დაესხა და გააუპატიურა. თავდასხმისას ადგილიდან გაქცევა უფროსმა დამ შეძლო, რათა ოჯახის წევრებისთვის ინციდენტის შესახებ ეთქვა. ოჯახის წევრები ადგილზე მალევე მივიდნენ, მაგრამ გოგონა უკვე დამწვარი დახვდათ. იმის შიშით, რომ თინეიჯერი ადგილობრივ პოლიციაში მივიდოდა და დამნაშავეებს უჩივლებდა, გოგონა ცოცხლად დაწვეს.

ბავშვი ადგილობრივ საავადმყოფოში სხეულის 80 პროცენტიანი დამწვრობით გარდაიცვალა. პოლიცია ინციდენტს იძიებს.

მომზადებულია Times of India-ს მიხედვით.