ირანის ისლამურ რესპუბლიკაში 4 ქრისტიანს, რომლებმაც ზიარების დროს ღვინო დალიეს, 80-ჯერ გაამათრახებენ. ამასთან, მათ სატელიტური ანტენის გამოყენებისთვისაც დასჯიან.
ბეჰზად ტაალიპასანდი, მეჰდი რეზა ომიდი, მეჰდი დადხანი და ამირ ჰატემი დეკემბერში დააპატიმრეს და სასამართლომ განაჩენი 20 ოქტომბერს გამოიტანა. ირანში რელიგიური მრწამსის შეცვლა სიკვდილით ისჯება.
გაერო ისლამურ რესპუბლიკას არამუსულმანების დევნაში ადანაშაულებს და საჯაროდ აკრიტიკებს. როგორც გაეროს სპეციალური მომხსენებელი, ირანში ადამიანთა უფლებების დამცველი აჰმედ შაჰედი ამბობს, ირანში ქრისტიანების შევიწროვება ჩვეულებრივი პრაქტიკაა.
ოფიციალური სტატისტიკით, ირანის ისლამურ რესპუბლიკაში 370 000 ქრისტიანი ცხოვრობს.
მომზადებულია dailymail.co.uk-ის მიხედვით.