ლონდონში ელექტრონული ველოსიპედები ივლიან

მომავალ წელს ლონდონში ქალაქის მერ ბორის ჯონსონის ინიციატივით ველოსიპედებისთვის განკუთვნილი ტერიტორია გაფართოვდება და ახალ მოდელებს შემოიღებენ.

რამდენიმე ასეულ ელექტრონულ ველოსიპედს 2014 წელს ექსპერიმენტული პროგრამის ფარგლებში შეიძენენ. მათი განსაკუთრებულობა რთულ გზებზე მართვის სიმარტივეში მდგომარეობს.

ველოსპორტის ფონდიდან ახალი ეგზემპლარების შესაძენად და ველოსიპედების დასატენი სადგურების ორგანიზაციისთვის 913 მლნ. ფუნტი სტერლინგი გამოიყოფა.

ელექტრონულ ველოსიპედებს პოლიციის თანამშრომლებიც გამოიყენებენ, რომლებიც მათი დახმარებით საცობებში მოხვედრის გარეშე დამნაშავეების დევნას შეძლებენ.

მომზადებულია The Evening Standart-ის მიხედვით.