ბოსტანი ფანჯრის რაფაზე

ქალაქში, ფანჯრის რაფაზე, შესანიშნავი მინი-ბოსტნის გაშენება შეიძლება. სახლის პირობებში, ქოთანში კარგად ხარობს ოხრახუში, რეჰანი, როზმარინი, პიტნა, კამა, ტარხუნა, ქონდარი და ა.შ. თუ ბოსტნის გაშენებას გადავწყვეტთ, რამდენიმე მარტივი რჩევა უნდა გავითვალისწინოთ. მცენარეებისთვის სასურველია სამხრეთის ან დასავლეთის მხარე შევარჩიოთ, სადაც მზე უფრო დიდხანს ჩერდება.

უმჯობესია, მიწა სპეციალურ მაღაზიაში შევიძინოთ. ის უფრო ფხვიერია, გამდიდრებულია ტორფით, ქვიშით. ჩვეულებრივი ბაღის მიწა მორწყვის შემდეგ მაგრდება და იტკეპნება.

თუ მცენარე კერამიკის ქოთანშია, მას მორწყვა უფრო ხშირად დასჭირდება.

იხილეთ ვრცლად