სამეფო ოჯახში შესვლისთანავე კემბრიჯის ჰერცოგინია ქეით მიდლტონი საზოგადოებამ როგორც ელეგანტური, დახვეწილი, გემოვნებიანი და ლამაზი ქალი გაიცნო.
ყველა წვეულებასა თუ ოფიციალურ შეხვედრაზე მიდლტონი შთამბეჭდავად გამოიყურება. თუმცა როგორც კრიტიკოსები ამბობენ, მშობიარობის შემდეგ ჰერცოგინიამ ეშხი დაკარგა.
ბრიტანული გამოცემების ჟურნალისტები ხსოვნის დღესთან დაკავშირებით ლონდონში მყოფი ქეითის გარეგნობით დაინტერესდნენ. როგორც ჩანს, ბავშვის მოვლით მიდლტონი იმდენად არის დატვირთული, რომ თავის მოვლისთვის დრო აღარ რჩება. ფოტოგრაფების თქმით, ნებისმიერი ადამიანი შენიშნავდა მიდლტონის შეუღებავ თმას - თმის ვერცხლისფერ ძირებს. ფსიქოლოგების თქმით, მშობიარობის შემდეგ ქალებს თმა ხშირად უჭაღარავდებათ. შესაძლოა, მიდლტონს ქიმიური საღებავის გამოყენება არ სურს.ბევრი ქალი ფეხმძიმობისას თმას არ იღებავს, რათა ბავშვს საფრთხეს არ შეუქმნას.
მომზადებულია dailymail.co.uk-ის მიხედვით.