თუ ფიქრობთ, რომ თქვენს მეგობარს შეუფერებელი შეყვარებული ჰყავს, ნუ იტყვით, რომ სიყვარული ბრმაა. ფსიქოლოგები ირწმუნებიან, რომ მარტო დარჩენის შიშით, ადამიანები ხშირად ვირჩევთ პარტნიორს, რომელიც არ მოგვწონს.
ტორონტოს უნივერსიტეტის ფსიქოლოგებმა სამედიცინო ჟურნალ Journal of Personality-ში ახალი კვლევა გამოაქვეყნეს. მეცნიერების მტკიცებით, თანამედროვე ადამიანს სულ უფრო მეტად აინტერესებს, რას იტყვიან სხვები მასზე. ყველაზე მეტად ეს მარტოხელა ხალხს ადარდებს. ფსიქოლოგები ამბობენ, რომ ძალიან ხშირად დაქორწინებულის სტატუსი რომ ჰქონდეთ, ან შეყვარებული ჰყავდეთ, ადამიანები მათთვის უსიამოვნო პარტნიორებს იტანენ.
"ადამიანები ძალიან დარდობენ, რომ შეიძლება მარტო დარჩნენ. მარტო დარჩენის შიშს დეპრესიამდე, ან სხვადასხვა სერიოზულ ფსიქოლოგიურ პრობლემებამდე მივყავართ", - ამბობენ ფსიქოლოგები.
მომზადებულია Journal of Personality-ს მიხედვით.