პიანისტი დააპატიმრეს, რადგანაც მეცადინეობის გამო მეზობლებს ფსიქიკური აშლილობა დამართა

ესპანეთში, ქალაქ პუჩსერდაში მცხოვრები 27 წლის პიანისტი დააპატიმრეს, რადგან მეცადინეობის გამო მეზობლებს ფსიქიკური აშლილობა დამართა.

სასამართლოში 27 წლის მუსიკოსის ლაია მარტინის წინააღმდეგ მისი მეზობელი სონია ბოსომი იბრძვის. სონია ამბობს, რომ გოგონა კვირაში 5 დღე, დღეში 8 საათი შეუწყვეტლივ მეცადინეობს. მეზობელს მუსიკამ ფსიქიკური აშლილობა დამართა. ის ლაიას ზევით ცხოვრობს;

ოფიციალური დასკვნით, ქალის ნერვოზი იმდენად სერიოზულია, რომ მას პიანინოსთვის მშვიდად შეხედვა ფილმებშიც აღარ შეუძლია. პროკურორის თქმით, პიანინოს დეციბილი საზოგადოებრივ დაწესებულებებში დაშვებულ ნორმას 10-ჯერ აღემატებოდა. ამასთან, ლაიას რამდენჯერმე მოსთხოვეს, რომ საძინებელში არ დაეკრა, ან ხმის ჩამხშობი მოწყობილობა გამოეყენებინა, მაგრამ უშედეგოდ.

სასამართლო საბოლოო განაჩენს რამდენიმე დღეში გამოაცხადებს. მეზობლები იმედოვნებენ, რომ საზოგადოების შეურაცხყოფისთვის გოგონა მკაცრად დაისჯება.

მომზადებულია El Pais-ის მიხედვით.