ჩოხატაურში სტალინის ბიუსტი წითლად გადაღებეს

ჩოხატაურში, კინოთეატრ "გურიას" ეზოში მდგარი სტალინის ბიუსტი, წუხელ, წითელი საღებავით გადაღებეს. გავრცელებული ინფორმაციით, სტალინის ბიუსტი "თავისუფალი ზონის" ჩოხატაურის ორგანიზაციის წევრებმა შეღებეს, თუმცა კონკრეტული პირების ვინაობა უცნობია.

მომხდარის შესახებ ჩოხატაურის პოლიცია ინფორმირებული არ არის. სამმართველოს უფროსის, აკაკი მაისურაძის თქმით, ის შვებულებაში იყო და ძეგლის გადაღებვის შესახებ მისთვის არავის უცნობებია.

სტალინის ბიუსტი ჩოხატაურში 2006 წლიდან დგას და ყოველი წლის 9 მაისს, ამ ადგილზე ომის ვეტერანები იკრიბებიან.

იხილეთ ვრცლად

”გურია ნიუსი”