სოფელ ახაშენში მიკროავტობუსი ცხენს შეეჯახა

გურჯაანი-თბილისის ცენტრალურ გზაზე, სოფელ ახაშენში, "ფორდის" მარკის მიკროავტობუსი ცხენს შეეჯახა. შეჯახების შედეგად ცხენი ადგილზე მოკვდა. მიკროავტობუსში მჯდომი ერთ-ერთი ქალბატონი მძიმედ დაშავდა, შუახნის მამაკაცის მდგომარეობა კი დამაკმაყოფილებელია.

"შუახნის მამაკაცს ლავიწის ძვლის მოტეხილობა ჰქონდა და ოპერაცია ჩაუტარდა. სტაბილურად მძიმეა ქალბატონის მდგომარეობა, რომელსაც მუცლის ღრუს და გულ-მკერდის ოპერაციები უტარდება", - აცხადებს გურჯაანის სამედიცინო ცენტრის მენეჯერი იოსებ მგალობლიშვილი.

მომხდარზე აღძრულია სისხლის სამართლის საქმე. გამოძიებას საპატრულო პოლიცია აწარმოებს.

იხილეთ ვრცლად

კახეთის საინფორმაციო ცენტრი