ზუგდიდში შიდსთან ბრძოლის კვირეული გაიხსნა
ზუგდიდში, შიდსთან ბრძოლის კვირეული შოთა მესხიას სახელობის სასწავლო უნივერსიტეტში საგანმანათლებლო კონფერენციით და ფორუმით გაიხსნა. უნივერსიტეტში სტუდენტებს და პროფესორ-მასწავლებელებს აივ-ტესტის უფასოდ და ანონიმურობის სრული დაცვით ჩატარების შესაძლებლობა ჰქონდათ. ზუგდიდში, აივ-ტესტის ჩატარება მსურველებს ხვალ 15:00-დან 18:00 საათამდე, ზუგდიდის შალვა დადიანის სახელობის დრამატულ თეატრთანაც შეეძლებათ.
კვირეულის ფარგლებში, 3 დეკემბრის ჩათვლით ქალაქში სხვადსხვა სახის ღონისძიებებია დაგეგმილი და მისი მიზანი, აივ-შიდსის პრევენციაა. ამასთან, კვირეულს საქველმოქმედო დატვირთვაც აქვს და ხვალ შალვა დადიანის სახელობის დრამატულ თეატრში გამოიფინება აივ-დადებითი ახალგაზრდების ნამუშევრები, საიდანაც შემოსული თანხა მოხმარდება 5 აივ-დადებით ბავშვს.
პროექტი ევროკავშირის ფინანსური მხარდაჭერით ხორციელდება, საქართველოში კვირეულის ჩასატარებლად სამი რეგიონი სამეგრელო, აჭარა და შიდა ქართლი შეირჩა.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
