ქმარმა ცოლი უგემური კერძების გამო მოკლა

ავსტრალიელმა ქმარმა კლაუს ანდრესმა მეუღლე ლი პინგი მხოლოდ იმიტომ მოკლა, რომ ის მოსაწყენი სექსუალური პარტნიორი და ცუდი კულინარი იყო.

როგორც სასამართლოში დამნაშავემ განაცხადა, მისი ცოლი "ცუდი მზარეული იყო და ყოველთვის უგემურ კერძებს ამზადებდა". ქმარი ამბობს, რომ მკვლელობა განზრახ არ დაუგეგმავს და ეს ინციდენტის შედეგია. კლაუსის თქმით, ლის ხელი ჰკრა, სამზარეულოს იატაკზე დაცემის შემდეგ კი ქალი გარდაიცვალა. შემდეგ ცოლის გვამს 60 ლიტრი მჟავა დაასხა და გახრწნა.

დაკითხვისას მეზობლებმა განაცხადეს, რომ მკვლელობის დღეს სახლიდან ჩხუბის ხმა ისმოდა.

მომზადებულია dailymail.co.uk-ის მიხედვით.