"ნაციონალები" პრეზიდენტის მეტყველებას აქილიკებენ

საპარლამენტო უმცირესობის წევრი გოგა ხაჩიძე "ფეისბუქის" საკუთარ გვერდზე პრეზიდენტ გიორგი მარგველაშვილის მეტყველებას აქილიკებს.

"ქვეყანაში, ერთი მნიშვნელოვანი რეFორმა გვაქვს გასატარებელი...

ან F ოFიციალურად დავიმატოთ ანბანში, ან მინიმუმ პრეზიდენტი მარგველაშვილი გადავაჩვიოთ F-ს ხმარებას.

ოღონდ ეს ყველაფერი Fრთხილად და Fაქ'იზად", - წერს ხაჩიძე.

პრეზიდენტის მეტყველებასთან დაკავშირებით იმავე პოზიციას იზიარებს "ნაცმოძრაობის" კიდევ ერთი წევრი ეკა ხერხეულიძე.

"ერთი ნაცნობი მყავდა,რომელსაც საუბრისას უყვარდა ფ-ს ნაცვლად f-ს გამოყენება. ასე მაგალითად- fაქტია, fაქტიურად და ა.შ. რაც მე დეფექტი მეგონა. ეს ჩემი ნაცნობი, მარგველაშვილის ახლო მეგობარია (fაქტობრივად,ოჯახის წევრი) და ახლა ვგრძნობ, რამხელა ზეგავლენა ჰქონია f-ს

თავს ვსაყვედურობ, როგორ არ მეყო ალღო მივმხდარიყავი, საიდან იწყება სვეცკობა და სად პარაfირდება რეfორმატორის შლეიfად

fაქტია, f დავინჩის კოდივით ამოუცნობია:)", - წერს ეკა ხერხეულიძე.