ნიუ-იორკში ბარებში მასობრივი საშობაო "ლაშქრობა" გაიმართა

ნიუ-იორკში (ასვე ლონდონში, ვანკუვერში, ბელფასტში და სხვა ქალაქებში) ე.წ. "სანტაკონი" - საშობაო ზეიმი გაიმართა, რომელზეც მისი მონაწილეები სანტა-კლაუსის, ელფების, ნაძვის ხეებისა და ირმების კოსტუმებით მიდიან. ღონისძიების მონაწილეთა მიზანი - ქველმოქმედებისთვის ფულის შეგროვება და კარგად დათრობაა.

ფესტივალს მდიდარი ისტორია აქვს. პირველად იგი თითქმის ორი ათეული წლის წინ სან-ფრანცისკოში ჩაატარეს. შემდეგ იგი გაფართოვდა და სხვა ახალი ქალაქები შეუერთდნენ. ამჟამად, მას დედამიწის 30 წერტილში ზეიმობენ. ყოველწლიურად ღონისძიებაზე სანტა-კლაუსების ჩხუბი და მისი შემდგომი დაპატიმრებები ფიქსირდება. აპატიმრებენ გადათრობისა და მაგალითად, საზოგადოებრივი წესრიგის დარღვევისთვის.

2013 წელს ნიუ-იორკის სანტაკონის წინ ბევრმა ბარმა გართობის მოყვარულების მიღებაზე უარი თქვა - მათი სტუმრობის შემდეგ ბევრი ნაგავი და დამტვრეული ჭურჭელი რჩებოდა.

მაგრამ დაწესებულებების ფესტივალში მონაწილეობაზე უარის თქმის მიუხედავად, ქალაქის მაცხოვრებლები კარგად გაერთნენ. ზეიმის დროს მთვრალი სანტა-კლაუსები ჩხუბობდნენ, ალფალტზე ეცემოდნენ, ქუჩებში შარდავდნენ და გამვლელებს თავს აბეზრებდნენ. ზოგიერთ მათგანს რამდენიმე საათის გატარება გისოსებს მიღმაც მოუწია.

იხილეთ ფოტოგალერეა

მომზადებულია lenta.ru-ს მიხედვით.