სურამში ახლადნაყიდი ჩინური ნაძვის ხე გადატყდა

ხაშურის გამგეობამ ხელოვნური ნაძვის ხეების შესაძენად, დეკემბერში, 22 ათასი ლარი გახარჯა. ერთი ნაძვის ხე - ხაშურში, ხოლო მეორე - სურამში დადგეს.

სურამის ხელოვნური ნაძვის ხე, რომელიც გამგეობას 1 700 ლარი დაუჯდა, ქარმა გადატეხა. ნაძვის ხე ჩინური იყო და გამგეობამ ის კომპანია "თორნიკე"-სგან იყიდა. ხაშურის ინფრასტრუქტურის სამსახურის უფროსის, სიმონ ხითარიშვილის თქმით, სავარაუდოდ, შპს "თორნიკე" დაჯარიმდება. სურამში კი, ხელოვნური ნაძვის ხის ნაცვლად, სკვერში მდებარე ცოცხალი ნაძვი მოირთვება.

რაც შეეხება ხაშურს, აქ აღმართული 7 მეტრიანი ნაძვის ხე, კომპანია "ლთ ჯგუფისგან" 21 041 ლარად არის შეძენილი. საახალწლოდ ხაშურის ქუჩებიც განათდება. ქალაქის ცენტრალურ ქუჩებზე საახალწლო განათებები უკვე მონტაჟდება.

იხილეთ ვრცლად

შიდა ქართლის საინფორმაციო ცენტრი