ლარის კურსი სავაჭრო პარტნიორების ეკონომიკის ზრდაზეა დამოკიდებული

ლარის კურსი სავაჭრო პარტნიორების ეკონომიკის ზრდაზეა დამოკიდებული, - ამის შესახებ ეროვნული ბანკის პრეზიდენტი გიორგი ქადაგიძე აცხადებს. 

"ეკონომიკური თეორიის მიხედვით, თუ საქართველოს ეკონომიკა გაიზრდება უფრო მაღალი ტემპით, ვიდრე ჩვენი სავაჭრო პარტნიორების ეკონომიკა, ამ შემთხვევაში საშუალო და გრძელვადიან პერიოდში, კურსს ექნება გამყარების ტენდენცია. როგორც ეს იყო ყოველთვის, ბოლო ათწლეულის განმავლობაში, თუ არ ჩავთვლით კრიზისულ პერიოდებს 2008-2009 წლის ცნობილი მოვლენების ფონზე. ეს არის ფაქტი. კიდევ ერთხელ მინდა გავუსვა ხაზი, რომ გაცვლით კურსს ექნება გამყარების ტენდენცია, თუ საქართველოს ეკონომიკა გაიზრდება უფრო სწრაფად, ვიდრე სავაჭრო პარტნიორების ეკონომიკა",- განაცხადა ქადაგიძემ.

რა? სად? რა ფასად?

გაიგეთ ”რადიო მარკეტში”

ყოველ სამუშაო დღეს 10:50 და 11:50 საათზე

რადიო ”პალიტრის” ეთერში - FM 103.9