არაბი ქმარი ცოლის ცილისწამებისთვის გაამათრახეს

საუდის არაბეთში, მექაში მამაკაცი გაამათრახეს, რადგან ამტკიცებდა, რომ მისი მეუღლე პირველ ღამეს ქალწული არ იყო.

ქმარი სასამართლოში აცხადებდა, რომ მისმა საცოლემ საჯარო ხელის მოწერაზე ნათესავების და საკუთარი მამის თანდასწრებით იცრუა და გრაფაში მიუთითა, რომ ქალწულია. მამაკაცი ამბობს, რომ მოატყუეს, რადგან ქალი უკვე განათხოვარი იყო. ქმრის კვალდაკვალ შეურაცხყოფილი ცოლიც სასამართლოში წავიდა და ქმრის წინააღმდეგ სარჩელი შეიტანა. ქმარმა ცოლის ბრალეულობა ვერაფრით დაამტკიცა და ისევ თვითონ დაისაჯა. ის საჯაროდ 20 როზგით გაამათრახეს.

მომზადებულია dailymail.co.uk-ის მიხედვით.