კახა ბექაური ივანიშვილზე - "ახლა Apple აქციების მფლობელი რომ გახდა, პროამერიკელია?"
ტელეკომპანია "მეცხრე არხის" ყოფილი გენერალური დირექტორი კახა ბექაური "ფეისბუქის" საკუთარ გვერდზე ბიძინა ივანიშვილის ქონების გაშუქებისას ჟურნალისტებს რჩევას აძლევს.
"მართლა მაინტერესებს: გაზპრომის აქციების ფლობის გამო თუ პრორუსი იყო, ახლა Apple აქციების მფლობელი რომ გახდა, პროამერიკელია?
რჩევა ჟურნალისტებს: როდესაც არ გესმით რა არის საინვესტიციო პორტფელი, როგორ იმართება ის, როგორ მიიღება გადაწყვეტილებები კონკრეტული კომპანიის (ბრენდის) აქციების ყიდვა-გაყიდვის შესახებ, არ უნდა დაწეროთ ამ თემაზე, ძალიან არაკვალიფიციურები გამოჩნდებით", - წერს ბექაური.
ქონებრივი დეკლარაციის მიხედვით, რომელიც ყოფილმა პრემიერ-მინისტრმა, კანონის შესაბამისად 2013 წლის ბოლოს, 31 დეკემბერს ჩააბარა, ბიძინა ივანიშვილი Apple Inc. Shares -ის 2400 აქციის მფობელია. თითოეული აქციის ღირებულება 556.07 აშშ დოლარია.
"ჩემი ლედი" - ლელა წურწუმიას და "მამულიჩას" ემოციური ფოტო კონცერტის კულისებიდან
ჰააგაში, უძველესი ტაძრის სამრეკლოდან გია ყანჩელის მელოდიები მისი ხსოვნის პატივსაცემად აჟღერდა
